Wednesday, January 14, 2015

Veerabhadra Mangala Harathi

శ్రీ వీరభద్ర స్వామి మంగళ హారతి
Shri Veerabhadra Swamy Mangala Harathi



Shri Veerabhadra Swamy, Patalaganga-Srishailam (Photo by Me)




భద్రమంగళం వీరభద్రమంగళం - భద్రకాళి మనోహరా భవ్యమంగళం 
అలదక్షుడు యాగంబును అహంకార పూరితుడై 
శూలిననాదరము సేయ శోషణ పాల్జేసినట్టి 
భద్రమంగళం వీరభద్రమంగళం - భద్రకాళి మనోహరా భవ్యమంగళం 
దాక్షాయణి అనుమానపు తాపగ్నిని కుమిలి కుమిలి
దక్షయజ్ఞ కుండికబడ దక్షుని శిక్షించినట్టి
భద్రమంగళం వీరభద్రమంగళం - భద్రకాళి మనోహరా భవ్యమంగళం 
హరుడు జటాజూటమ్మును ఆర్చి శిలను తాడించగ
పరమేశ్వరుకోపాగ్నిని ప్రభవించిన ప్రళయరుద్ర
భద్రమంగళం వీరభద్రమంగళం - భద్రకాళి మనోహరా భవ్యమంగళం 
దక్షుని ఆహ్వానంబున తగుదుమంచు నరుదెంచిన
దక్షురుక్ష సురవీరుల శిక్షించిన రుక్షాక్షా 
భద్రమంగళం వీరభద్రమంగళం - భద్రకాళి మనోహరా భవ్యమంగళం 
దక్షయజ్ఞ ధ్వంసంబును దక్షతతో గావించియు 
దక్షుని శిరమును ద్రుంచి విచక్షణతొ విహరించిన
భద్రమంగళం వీరభద్రమంగళం - భద్రకాళి మనోహరా భవ్యమంగళం
హరి నృసింహునవతారము అంతము వికృతంబు కాగ
నరసింహుని నిర్జించిన శరభమూర్తి వీరభద్ర
భద్రమంగళం వీరభద్రమంగళం - భద్రకాళి మనోహరా భవ్యమంగళం 
హరవరసుత వీరభద్ర ఆర్తిజన దయాసముద్ర
శరణగణ సమూహ సహిత శంకరాఖ్య కవి వినుతా
భద్రమంగళం వీరభద్రమంగళం - భద్రకాళి మనోహరా భవ్యమంగళం 


~ : ~ 




1 comment:

  1. ‘शिवाय’ का दूसरा ट्रेलर रिलीज,अजय देवगन करेंगे आपको मंत्रमुग्ध
    Read More Todaynews18.com https://goo.gl/m5K8ew

    ReplyDelete